Әдістемелік жұмыстың моделі
Мектептің әдістемелік қызметі қалалық оқу бөлімінің әдістемелік кабинеттері қызметімен тікелей байланыста жұмыс атқарады. Мектептің әдістемелік және диагностикалық орталығы жеке тұлғаны дамытуда дарынды оқушылармен жұмыс және белсенді оқушылар орталықтары жұмысына басшылық жасайды. Дарынды оқушылармен жұмыс «Зерде» ғылыми қоғамы арқылы жүзеге асырылса, белсенді оқушылар қатысуымен «Атамекен», «Жасұлан» балалар ұйымы, «Айбын» патриоттық клубтарының жұмыстары орындалып отырады. Пән мұғалімдерінің педагогикалық іс тәжірибе алмасу бағытындағы жұмыстары әдістемелік бірлестіктер арқылы орындалып, әдістемелік кеңес отырыстарында қорытындыланып отырады. Осыған байланысты мектебімізде 9 пән бойынша әдістемелік бірлестіктер және жас маман мектебі ұйымдастырылған. Мұғалімдердің ғылыми ізденіс, шығармашылық есептері «Озат» мектепішілік сараптама кеңесінде қарастырылса, мұғалімдер іс тәжірибесіндегі озық әдіс тәсілдерін тарату шығармашылық топ қатарына біріктірілген ақпараттандыру тобы, тапсырмаларды даярлау тобы, деңгейлі курс мұғалімдерінің тобы жұмыстарымен қорытындыланып отырады. Тәрбие жұмысының саласы үйірме, факультативтер мен қоғамдық жұмыстар арқылы жүзеге асырылады.
Мектептің 2011-2015 жж. арналған Даму бағдарламасының аяқталуына байланысты, 2016-2020 жж. арналған жаңа Даму бағдарламасы құрылды. Аталған уақытқа дейін мектеп ұжымымен атқарылған маңызды жұмыстар даму бағдарламасының негізінде алынды.
Мақсаты:Бәсеке қабілетті тұлғаны қалыптастыру үшін оқу-тәрбие үрдісінде оқушылардың тұлғалық құзыреттіліктерін дамытатын қолайлы ортаны құру. Аталған мақсатқа жету үшін Даму бағдарламаның белгіленген кезеңдеріне сәйкес әр оқу жылында мектепішілік жалпы оқу-тәрбие процесінің жұмыс жоспарына тақырыптық іс-шаралар еңгізілді. Жүргізілген жұмыстар қорытындысы педагогикалық және әдістемелік кеңес отырыстарында, директор жанындағы кеңес отырыстарында талданып, қорытындысы қаралды.
Мектептің жұмыс тақырыбын жүзеге асыру үшін төмендегідей міндеттер анықталды:
— Мектепті басқарудың заманға сай үлгісін қолдану арқылы білім мен тәрбие сапасын арттыра отырып, оқушыларға кәсіби бағдар беру;
— Мектептің оқу-тәрбие үрдісіне интербелсенді әдіс-тәсілдерді тиімді енгізу арқылы оқытуды жаңарту;
— Бәсекеге қабілетті тұлғаның үйлесімді дамуына біртұтас тәрбие ортасын қалыптастыру.
Алғашқы міндеттердің бірі оқушыларға кәсіби бағыт-бағдар беру. Бұл күндері мектеп түлектерінің орналасуы мектептің жаратылыстану – математикалық бағытына сай келеді. Мектеп жұмысын жоспарлауда бейіндік бағыты нақты анықталғанын білдіреді. Қазіргі уақытта мектебімізде 14 деңгейлік курстардан өткен мұғалімдер өз іс-тәжірибелерін жүзеге асыру мақсатында мектеп ұжымымын коучинг, шеберлік сынып, тәлімгерлік ету жұмыстарын жүйелі түрде жүргізу қолға алынған.