Жаратылыстану

2013-2018 жж. аралығындағы «Жаратылыстану»ӘБ мүшелерінің авторлық жобалар мен оңтайлы тәжірибелері

 Жоба авторы Қызметі Жоба атауы Қорытындылау деңгейі: облыстық сараптама
1 Өміржанова С.Е. Биология пәнінің мұғалімі «Өсімдіктің ішкі дүниесі» 6 сыныпқа арналған таңдау курсы Куәлік Серия АА №058 2013
2 Өміржанова С.Е. Биология пәнінің мұғалімі «Қазақстанның өсімдіктер әлемі және тіршілік ету үрдістердің қарапайым математикалық модельдеу» 10-11 сыныптарға арналған қолданбалы курсы бағдарламасы Куәлік Серия АА №057 2013
3 Мустафина Р.С. Химия пәнінің мұғалімі 10-11 сыныптарға арналған «Химиялық есептердің физикалық және математикалық негізі» қолданбалы курсы бағдарламасы Куәлік СерияАА №060 2013
4 Мустафина Р.С. Химия пәнінің мұғалімі «Химия пәні бойынша құзыреттілікке бағытталған тапсырмалар жинағы»  9 сыныпқа арналған дидактикалық құралы Куәлік СерияАА №669 2017
5 Нұрмағанбетов Қ.Р. Биология пәнінің мұғалімі «8-9 сынып оқушылардың бейорганикалық химиядан білімдерін дамытуға арналған дидактикалық тапсырмалар жинағы» Куәлік Серия АА №059 2013
6 Дағарова Ф.Ұ. География пәнінің мұғалімі 6 сыныпқа арналған өлкетанудан «Рудный –кіші Отаным» таңдау курсы бағдарламасы Басылымға жариялау ISBN№ 978-601-7209-89-6 2013
7 Дағарова Ф.Ұ. География пәнінің мұғалімі 7 сыныпқа арналған «География пәнінен құзыреттілікке бағытталған тапсырмалар жинағы» Куәлік серия АА №594

«Жаратылыстану» ӘБ  2019 жылдың  21- 25 қаңтар аралығында «Жаратылыстану пәндерін оқытуда жеке тұлғаға бағытталған әдістер арқылы оқушылардың шығармашылығын дамыту» тақырыбындағы әдістемелік апталығына шолу

«Жаратылыстану» ӘБ 2019 жылдың 21- 25 қаңтар аралығында жоспарлы түрде «Жаратылыстану пәндерін оқытуда жеке тұлғаға бағытталған әдістер арқылы оқушылардың шығармашылығын дамыту» тақырыбында әдістемелік апталық өтті. Апталық  «Жаратылыстану әлемі» тақырыбындағы көрме және «Табысты мұғалім-табысты оқушы» тақырыбында мұғалімдерге арналған коучингпен  ашылды. Коучинг мақсаты жаңартылған білім мазмұнына өту барысында табысты мұғалім мен табысты оқушы моделін құрастыру жолдарын көрсету. Көрме мақсаты оқушылардың жаратылыстану пәндеріне қызығушылықтарын ояту және шығармашылық қабілеттерін дамыту. Көрмеге оқушылардың түрлі нысандағы  шығармашылық жұмыстары қойылды. Оқушылар әр түрлі  материалдардан түрлі макеттер жасаған: қатырма қағаз, сым, желім, ұннан жасалған бұйымдар, тастар т.б. Көрме қорытындысы бойынша 7 А, 8 Ә, 9 Ә, 9 Б,10 А сыныптарының шығармашылық жұмыстары «үздік» деп аталып мадақтамамен марапатталды. Сонымен қатар, жаратылыстану пәндерін ағылшын тілде оқытуды насихаттау мен дамыту мақсатында сырттай түрде викторина өткізілді.  Апталық аясында жаратылыстану пәндерінің мұғалімдері тәжірибе алмасу сабақтарында оқушылардың шығармашылық қабілеттерін  дамытуда белсенді әдіс-тәсілдер мен жұмыс түрлерімен бөлісті. Өткізілген дәстүрден тыс сабақтардың түрлері: дебат, жобалау, лабораториялық тәжірибе, зияткерлік ойын, моделдеу.

22 қаңтарда Дағарова Ф.У. 8 Ә сыныбында «Халық санағы» тақырыбында география пәнінен ізденіс сабағында берілді. Сабақ мақсаты: халық санының  анықтау әдістерін түсіндіру; оқушылардың мәліметтермен жұмыс жасау дағдыларын жетілдіру. Қолданылған әдіс тәсілдер: диалог оқытудың зерттеуішілік әңгімесі, В.Ф.Шаталовтың тірек сызбаларға арқылы жаңа мәліметті талдау, сұраптау, АҚТ, сын тұрғысынан ойлауды дамыту стратегиялары. Сабақ барысында оқушылар халық саның анықтау әдістерімен танысып республика, облыс және қала көлемінде тұрғындар саның есептеді. Қосымша ақпаратпен өз бетінше жұмыс жасауға бейімделген оқушылар жеке,топтық жұмыстар барысында жылдармен салыстыра отырып өсу және төмендеу динамикасын есептеп мониторинг жасай білді. Зерттеу жұмыстарын қорытындылау үшін «Халық санағы» тақырыбында макеттер, буклеттер, газеттер жасады. Оқушылар сабақта танымдық белсенділік пен шығармашылық қабілеттерін танытты, өзара бағалай білді. Мұғалімнің құрастырған тапсырмалары оқу мақсатына және оқушылардың оқу мүмкіндіктері мен жас ерекшеліктеріне сай келеді. Кері байланыс барысында оқушылардың көпшілігі сабақты «өте қызықты» және  «мен үшін маңызды ақпарат болды» деп пікір айтты.

  23 қаңтарда  химия пәнінен Мустафина Р.С 11 «А» сыныбында « Химияның тұрмыстағы және адам өміріндегі маңызы» тақырыбында зерттеу сабағы берілді. Мақсаты: күнделікті тұрмыста қолданылатын химиялық заттар,олардың пайдасы мен  зияны,химиялық элементтердің адам ағзасында атқаратын ролі туралы анықтау. Сабақтың әдістері: жобалау, дебат элементтері,лабораториялық тәжірибе.Сабақ барысында оқушылар тұрмыстық химия және химияның басқа салалары бойынша жұптық жобалар қорғап, қорытынды сатысында пікірталас ойының ойнады. Ойын қорытындысы бойынша жақтау тобының аргументтері сеңімрек болды. Жасалған оқушылардың жобалары өміршен, іс-тәжірибелік бөлімінің маңыздылығымен ерекшеленді. Кері байланыс барысында оқушылардың көпшілігі «жаңа мәлімет көп білдім» деген пікір айтты.

Сонымен қатар аталған күнде 9-11 сыныптарының дарынды оқушыларына арналған  биология –химия пәндері бойынша Нуршатова Б.А. мен Мустафина Р. С. «Зияткер-2019» интеллектуалды ойын өткізді. Мақсаты: Оқушылардың жаратылыстану пәндері бойынша білімдерін саралау, логикалық ойлау,есте сақтау қабілеттерін шындау және жаратылыстану ғылымдарына қызығушылықтарын ояту.Ойынға құрама топ мүшелерінен тұратын  2 топ қатысты. Ойыншыларға таңдаған сандары бойынша  интербелсенді тақтада бейнежазбалар көрсетілді.  20 сұрақтары бар ұяшықтардағы сұрақтарға қатысушылар жауап беріп отырды, әр дұрыс сұраққа 5 ұпайдан қойылды, нәтижесінде көп ұпай жинаған топ жеңіске иеленді. Тапсырмалар мазмұны оқу бағдарламасынан тыс, құзыретті болды, оқушылардың шапшан және қисын ойлауын талап етті. Көрермендер мен қатысушылар ойынға аса қызығушылықпен қатысты. Ойын қорытындысы бойынша 2 топ мүшелері жеңіске жетті.

Сонымен қатар, аталған күнде  Өміржанова С.Е биология пәнінен  8 «А» сыныбында «Адам қанқасының құрылысы» тақырыбындағы модельдеу сабағы өткізілді. Сабақ мақсаты: тірек-қимыл жүйесінің қызметтерін сипаттау және маңызын анықтау, қанқаның құрылысы және сүйектердің орналасуын салыстыру. Сынып топтық жұмыс жасай  отырып бейнежазба бойынша қанқа құрылысымен танысып, оқушылар берілген тапсырмаларды орындады және топпен жұмыс жасау арқылы қанқа моделін түрлі материалдардан құрап қорғады. Аталған сабақта жоғары сападағы және жеткілікті түрде ретімен көп көрнекілік қолданылды. Оқушылардың өз бетінше білім алуына барлық мүмкіндік жасалған. Мұғалімнің жаңа ақпаратты оқушыларға сұраптап беруі, меңгеруді жеңілдетеді және уақытты үнемдейді. Білім-Ленд сайтының материалдарын жаңа білім беру кезеңінде мұғалім тиімді қолдана білді. Оқушылар жеке және жұптық жұмысқа бейімделген және өз жұмыстарын бағалап қорытындылауға үйренген. Мұғалім әр тапсырма мен оқушы жауабын проблемалық және бағыттаушы сұрақтар арқылы бағалап отырады. Қалыптастырушы бағалаудың түрлерін мұғалім кеңінен және тұрақты қолданатыны байқалады. Оқушылар өздерін және өзгені шыңайы бағалауға тырысады. Сабақ барысында жаңартылған білім мазмұнының талаптары толық орындалды.

Аяз күндеріне байланысты 22 қаңтарға жоспарланған  сыныптан тыс іс-шара интеллектуалды ойын түрінде  «Миллион кімге бұйырады» 24 қаңтар күні география пәнінің мұғалімі, жас маман Манарбек Е.К. өткізді.  Ойынға 5-8 сыныптар аралығында оқушылар қатысты.  Ойын мақсаты: оқушыларды жаратылыстану пәндеріне қызығушылығын арттыру және оқушылардың ойлау,саралау қабілеттерін дамыту. Сұрақтар мазмұны оқу бағдарламасынан тыс және танымдық энциклопедиядан болды. Ойын өте мазмұнды,  оқушылардың  жас ерекшелігіне  сай  құрастырылған, оқушылардың  ой-өрісінің кеңейтуге  ықпалы  зор  болды. Ойын қорытындысы бойынша миллион 8 сынып оқушысына бұйырды.

25 қаңтар күні география пәні мұғалімі Дағарова Ф.Ұ 8 «А» сыныбымен  пән мен тәрбие мақсаттарын үйлесімді ұштастыра отырып «Ұлы даланың жеті қыры- металлургия саласы» тақырыбында тәрбие сағатын қалалық мұражайда өткізді. Мақсаты: оқушылардың рухани дамуына ықпал жасап көзқарастарын қалыптастыру, ұлтжандылық қасиеттерін дамыту, пән бойынша өлкетану бағытында білімдерін терендету. Қалалық мұражайда оқушылар Қазақстан, оның ішінде жергілікті жерде ежелден қалған мұралардың, металлургия саласындағы  экспонаттармен танысып, тарихы туралы көптеген мәліметтер алды.

    Сонымен қатар, апталық іс-шараларды қорытындылау мақсатында  апталықтың салтанатты жабылуы  актзалында өткізілді. Іс-шараға 9 «Г» сынып оқушылары  жаратылыстану пәндері бойынша өлең оқып, концерттік номерлер қойды. Іс-шарада қатысушылар мен ұйымдастырушыларға  алғыс айтылып,  сыныптан тыс іс-шаралардың 10 жеңімпаздары мен жүлдегерлері  марапатталды. Жалпы апталықта 4 сабақ, 2 зияткерлік ойын, 1 ашық тәрбие сағаты өткізілді. Апталықтың іс-шараларына ұжымның 60 пайызы қатысты. Жоспарланған барлық сабақтар мен іс-шаралар толығымен өткізіліп, мақсаттарына жетуіне байланысты әдістемелік апталық жеткілікті деңгеймен бағаланды.

Перейти к верхней панели